History of Prophet Dawood (peace be upon him)

Qisada Nabi Daawuud (Calayhi Salaam): Hogaamiyaha Caddaaladda iyo Hibooyinka Gaarka Ah

Nabi Daawuud (Calayhi Salaam) wuxuu kamid yahay rususha Alle, wuxuuna ka soo jeeday qoomkii reer Banii Israa'iil Waxa uu ahaa nabi caan ku ah geesinimo, caddaalad, hibooyin gaar ah, iyo xiriir dhow oo uu la lahaa Alle Nabi Daawuud (Calayhi Salaam) waxaa Alle ku galladaystay han weyn oo dhanka maamulka, guusha dagaalk, iyo curinta heesaha mahad-celinta Alle. Taariikhdiisa ku soo arooortay Qur'aanka Kariimka ah waxay xanbaarsan tahay waxay xanbaarsan taahy cibrooyin baan oon kashidaal qadan karno.

Geesinimadii Nabi Daawuud (Calayhi Salaam) 

intii uu da'yar ahaa, Daawuud (Calayhi Salaam) wuxuu caan kunoqday geesinimo iyo difaacidda xaqa. Qur'aanka ayaa ka sheekeeyaya dhacdo muhiim ah oo uu ku dilay Jaaluut (Goliath), oo ahaa hoggaamiyihii awoodda badnaa ee ku hayay reer Banii Israa'iil gumaysi iyo dulmi. Daawuud (Calayhi Salaam) ayaa isagoo aaminsan awooda Alle ayuu la galay dagaal adag, wuxuuna ku guulaystay inuu dilo Jaaluut.

"Waxay ku jabiyeen idanka Alle, Daawuudna wuxuu dilay jaaluut.......(Suuradda Al-Baqra aaydda, 251)

Guushas ayaa ahayd mid ay aad uga faa'idaysteen reer Bani Israa'iil, waxayna Daawuud  (Calayhi Salaam) ka dhigtay mid caan ah oo lagu kalsoon yahay inuu noqdo hoggaamiye iyo hanuuniye.

Maamulkii iyo Boqornimadii Nabi Daawuud  (Calayhi Salaam)

Nabi Daawuud (Calayhi Salaam) wuxuu noqday boqora reer Banii Israa'iil, isagoo caddaalad iyo xaqsoor ku maamulay dadkiisa. Qur'aanka ayaa ammaanay sida uu uga dhabayn jiray caddaaladda:

"Daawuudoow, waxan  kaa yeelnay mid qaliif ka ah arlada, kala xukun dadka si xaq ah hawadadana haraacin....." (Suuradda Saad aayah: 26) 

Wuxuu lahaa hibo gaar ah oo uu ku kala saaro kiisaska dadka is-qabta, isagoo mar walba raacayay jidka xaqa. Dadkiisu waxay ku faraxsanaayeen maamulkiisa oo Alle u barakeeyay.

Hibooyinkii Gaarka Ahaa ee Nabi Daawuud  (Calayhi Salaam) 

Nabi Daawuud  (Calayhi Salaam)  wuxu lahaa hiboyin gaar ah oo Alle siiyay, kuwaas oo Qur'aanka si qurux badan loogu xusay:

1, Codka Macaan iyo Sabuurka: Daawuud  (Calayhi Salaam)  wuxuu lahaa cod aad u macaan oo uu           Alle  ku amaano. Wuxuu helay kitaabka zabuur, oo ahayd fariin uu Alle u soo diray asaga si uu               dadkiisa ugu hanuuniyo. 

2. Dhaqida Birta: Nabi Daawuud  (Calayhi Salaam) wuxuu ahaa nin shaqo jecel oo Alle baray sida loo      dhaqo birta loona sameeyo hubka dagaalka,sida gaashanka. Tani waxay ahayd mid muujinaysa Alle        naxariistiisa iyo in shaqada adag la weyneeyo:

                       وَعَلَّمْنَـٰهُ صَنْعَةَ لَبُوسٍۢ لَّكُمْ لِتُحْصِنَكُم مِّنۢ بَأْسِكُمْ ۖ فَهَلْ أَنتُمْ شَـٰكِرُونَ ٨٠

Dagaalkii iyo Dadaalkii Nabiga 

Nabi Daawuud (Calayhi Salaam) wuxuu ahaa halyeey dagaal oo difaacay dadkiisa markasta oo cadaawayaal kusoo duulaan. Taariikhdiisa waxaa ku jiro qaadashada go'aanno adag iyo hoggaamin xooggan oo lagu ilaalinayay xaqa iyo sharafta qoomkiisa.

Wiilkisa Nabi Sulaymaan (Calayhi Salaam)

Nabi Daawuud (Calayhi Salaam) wuxuu dhalay Nabi Sulaymaan (Calayhi Salaam), oo isna ahaa hogaamiye caan ah. Daawuud (Calayhi Salaam) wuxuu Sulaymaan muhiimadda cadaaladdaiyo Alle kalsoonida lagu qabo. Sulamaan (Calayhi Salaam) ayaa noqoday mid dhaxla nabinnimadii iyo boqornimadii aabihis.

Casharada Laga Baranayo Qisada Nabi Daawuud (Calayhi Salaam)

Qisada Nabi Daawuud (Calayhi Salaam) waxay xanbaarsan tahay casharro badan  oo muhiim ah wax ku oolna ah nolosha qofka muslimka ah. Qodoboda muhiimka ah ee laga faa'iidayo waxaa kamid ah:

1. Kalsoonida Alle iyo Adkeynta Iimaanka

nabi Daawuud (Calayhi Salaam) wuxuu tusaale u yahay qofka Alle si buuxda ugu tiirsan. Wuxuu ku guuleystay dagaalkii Jaaluut isagoo aaminsan in Alle yahay kan bixiya guusha, xitaa marka cadowgu xoog badan yahay.

2, Hogaaminta Caddaaladda Ku Dhisan

    Daawuud (Calayhi Salaam) wuxuu ahaa boqor caddaalad sameeya ah, oo ilaalin jiray xuquuqda.            Qur'aanka ayaa inagu boorinayay inaan caddaaladda ilaalino, xitaa hadii ay nafteena ama ehelkeena        lid ku tahay. 

    Hoggaamiye kaste ama qofka masuuliyadda haaya waa inuu ahaada mid cadaalad ku dhaqma, una          adeega dadka uu hogaamiyo. 

3. Jacaylka iyo Qadarin Shaqada Adag

Nabi Daawuud (Calayhi Salaam) wuxuu ahaa nin shaqo jecel oo ku tiirsan gacantiisa. Alle ayaa baray sida birta loo adeegsado oo hubka looga sameeyo, isagoo tusaale u ah qofka jecel inuu naftiisa ku filnaado.

4. Mahadcelinta iyo Ku Sugnaanta Cibaadada Alle

    Nabi Daawuud (Calayhi Salaam) wuxuu ahaa mid aad ugu mahad celiyo Alle. Qur'aanka ayaa xusay      inuu ahaa mid Alle xasuusta wakhti walba, isagoo tusaale wanaagsan u ah dadka rumeeya Alle.

    Taana waxay ina baraysaa in aan si joogto ah ugu mahadcelino Alle barakadiisa, loona xoojiyo                xidhiidhka Alle si loo helo barako badan.

5. Isticmaalka Hibooyinka Gaarka ah ee Alle Bixiyo

Daawuud (Calayhi Salaam) wuxuu lahaa hibooyin gaar ah sida cod macaan oo uu Alle ku ammaano iyo awood uu uga adeegay dadkiisa. Hibadaas ayuu u adeegsaday wanaaggsa iyo Alle ugu mahadcelinta.

6. Difaaca Xaqa iyo La-dagaalanka Dulmiga

Nabi Daawuud (Calayhi Salaam) wuxuu ahaa difaacaha xaqa. dagaalkii Jaaluut wuxuu muujinayaa sida uu u difaacay xaqa isla markaana u wajahay dulmiga si geesinimo leh.

Gunaanad

Qisada Nabi Daawuud (Calayhi Salaam) waxay xanbaarsan taahy casharo waaween oo ku saabsan dadka Alle rumaysan. Geesinimadiisa, cadaaladiisa, iyo jacaylkiisa shaqada waxay tusaale u yihiin qofka doonaayo inuu u adeego bulshada. Nabi Daawuud (Calayhi Salaam) wuxuu ahaa tusaale hoggaa,iye wanaagsan oo isku darsaday cadaalad kalsooni iyo u adeega dadkiisa.

Qisadiisa waxaan kabaranaynaa in kalsoonida Alle, shaqada adag, iyo ilaalinta xaqa ay yihiin dariiqada guusha iyo wanaagga. Tani waa xasuusin in qof walba oo Alle kalsooni ku qaba uu gaari karo wanaag iyo hormar.