Taariikhada Nabiga 11, ee 25-ta Nabiye qur'aanka Lagu xusay Nabi Yuusuf (Calayhi Salaam).

Nabi Yuusuf (Calayhi Salaam): Tusaale Dulqaad, Hanuun, iyo Nabadgelyo Qos

Hordhac 

Nabi Yuusuf   (Calayhi Salaam) waa mid ka mid ah nabiyada barakaysan ee  lagu tilmaamay Qur'aanka Kariimka ah, kaasoo leh taariikh hodan ah oo ka tarjunta dulqaadka, xikmadda, iyo hanuunka. Qisadiisa, oo si faahfaahsan loogu soo bandhigay Suuradda Yuusuf, waa sheeko ay ka buuxan tijaabooyin, waayo-aragnimooyinka, iyo guulo, taaso ah tusaale logu talagalay Muslimiinta dhammaan waqtiyada. Maqaalkan wuxuu dul istaagi doonaa taariikhdiisa, waxtarkiisa, iyo casharro waaweyn oo laga baran karo. 

Nabi Yuusuf (Calayhi Salaam) iyo Qisadiisa Qur'aanka

Qisada Nabi Yuusuf waa mid ka mid ah sheekooyinka ugu dheer uguna faahfaahsan qur'aanka. Waxaa lagu bilaabayaa riyo uu arkay isagoo yar, taaso ahayd bishaaro ku saabsan barako iyo hanuun uu Alle ugu talagalay. Qur'aanka ayaa yiri.

"Goortii uu ku yiri Yuusuf abihii waxan arakay riyo, kw iyo toban xiddigod, qoraxda, iyo dayaxa, dhamaantoodna way ii sujuudeen." (Suurah Yuusuf aayah,4)"

Qisada Nabi Yuusuf Waxaa loo qaybin karaa dhow marxaladood:

1. Haasidnimadii walaalihii: Walaalaha Yuusuf waxay u hinaasayn jacaylka aabbahod, waxayna ku             tuureen ceel iyagoo filayay in ay ka takhaluusayn.

2. Adoonsigii iyo Xabsigii: Nabi Yuusuf waxaa lagu iibiyay Masar, waxaana lagu daray guriga mas'uul     sare. Xaasdka iyo khiyaanada xaaska mas'uulkaas ayaa ugu dambayntii geeyay xabsi, halkaasoo uu         ku  dulqaatay dhibaatooyinka.

3. Xikmadii iyo xilka: Nabi Yuusuf wuxuu fasiray riyada boqorka taaso keentay in loo magacaabo xil        sare oo lagu maamulo kaydka raashinka.

4. Nabdgalyadii Qoyska: Ugu danbayntii, Nabi Yuusuf wuxuu isu keenay qoskiisa oo uu u sameeyay          midnimo iyo jacayl, isagoo cafiyay walaalihiis.

Nabi Yuusuf: Tilmaamaha Diimeed iyo Haggaaminta

1. Dulqaadka tijaaboyinka: Nabi Yuusuf wuxuu tusale u yahay dulqaadka iyo ku kalsonaanta Alle               xilliyada dhibatada. Tijaabooyinka uu lakulmay, sida xaasdka walaalaha iyo xabsiga, uma aysan             noqon caqabad ku hanuunka.

2. Xikmad iyo Hanuun: Wuxuu ahaa mid caqli badan oo xalliya dhibaatoyinka, isagoo fasiri jiray                riyooyinka dadka.

وَلَمَّا بَلَغَ أَشُدَّهُۥٓ ءَاتَيْنَـٰهُ حُكْمًۭا وَعِلْمًۭا ۚ وَكَذَٰلِكَ نَجْزِى ٱلْمُحْسِنِينَ٢٢  

       

  3. Cafiska iyo Naxariista: Nabi Yuusuf wuxuu cafiyay walaalihii inkastoo ay ku sameeyeen dhibaato          aad u weyn. Tani waxay tusaale u tahay muhiimadda cafiska iyo wanaagga.

      

             قَالَ لَا تَثْرِيبَ عَلَيْكُمُ ٱلْيَوْمَ ۖ يَغْفِرُ ٱللَّهُ لَكُمْ ۖ وَهُوَ أَرْحَمُ ٱلرَّٰحِمِينَ ٩٢

4. Iimaanka Adag: Nabi Yuusuf wuxuu si joogto ah ugu tiirsanaa Alle, isagoo u xaqiijiyay in                       badbaadada iyo guusha ay ku xiran tahy hanuunka Alle.

Casharada Laga Baran Karo NABI Yuusuf (Calayhi Salaam)

1. Dulqaadka iyo Kalsoonida Alle: Sheekadiisa waxay muujinaysa sida muhiimka ah ee ay tahay in            qofka Muslimka ahi uu ugu kalsoonaado Alle, xitaa marka uu la kulmao xaalado adag.

2. Xikmadda iyo Aqoon-doonka: Fasirka riyooyinka iyo go'aamada caqliga ku salaysan ee Nabi Yuusuf      waxay tusaale u yihiin sida aqoonta iyo xikmadda loo adeegsdo. 

3. Cafiska iyo Wanaagga: Nabi Yuusuf wuxuu mujiyay in wanaagga iyo cafiska ay yihiin astaamaha            hogaamiyaha wanaagsan. Wuxuu cafiyay walaalihis halkii uu uga aargudan lahaa.

4. Isku Xirka Qoyska: Sheekadiisa waxay xoojisay muhiimadda midnimada iyo isku duubnaanta qoska, xitaa marka hore la isku khilaafsanaa.

5. Hogaaminta iyo Mas'uuliyadda: Nabi Yuusuf wuxuu tusaale fiican u yahay hogaamiye cadaalad iyo mas'uuliyad leh, isagoo si hagar la'aan ah u maamulay keydka raashinka xilliyadii abaarta

Gunaanad 

Nabi Yuusuf (Calayhi Salaam) waa tusaale muuqda oo muujinaya dulqaadka, xikmadda, iyo jacaylka ehelka. Tilmaamaha uu leeyahay, sida ku tiirsanaanta Alle, cafiska, iyo mas'uuliyadda, waxay dhiirrigekinayaan qof kasta inuu ku noolaado noolaado nolol ku salaysan hanuunka Alle. Sheekadiisa oo ay ku cad cad yihiin casharro waaweyn waxay hagta Muslimiinta si ay u yeeshaan dulqaad, xikmad, iyo jacayl qoys.

"Nabi Yuusuf (Calayhi Salaam) wuxuu iftiiminayaa sida qofka mu'minka ahi uu ugu dulqaadan karo tijaaboyinka nolosha, uuna ugu guulaysan karo hanuunka iyo guusha Alle."